Subvencións
Programa de subvencións a concellos para financiar a supresión da simboloxía franquista nos espazos públicos, a realización de actividades e a sinalización de espazos de recuperación da memoria democrática, para o ano 2026.
Obxectivo da subvención
A Deputación da Coruña convoca o Programa FO208/2026, dirixido aos
concellos da provincia con menos de 10.000 habitantes, para apoiar
actuacións relacionadas coa supresión da simboloxía franquista, a
recuperación da memoria democrática e a sinalización de espazos de
homenaxe. As axudas destínanse a financiar:
- Retirada de escudos, placas, insignias, estatuas ou mencións de exaltación franquista, e restauración do ben municipal afectado.
- Actividades de divulgación da memoria democrática: charlas, cursos, congresos, publicacións, exposicións, etc.
- Sinalización e mantemento de espazos de memoria, incluíndo placas e paneis informativos (co logotipo da Deputación e a frase obrigatoria «Vítimas do golpe de estado fascista de 1936»).
- Actos de homenaxe e recoñecemento público ás vítimas da represión entre 1936 e 1978.
Quén pode solicitar a subvención?
Poden solicitar estas axudas os concellos da provincia da Coruña con menos de 10.000 habitantes que cumpran os requisitos das bases e da Ordenanza Xeral de Subvencións. As actividades subvencionables deberán realizarse entre o 1 de xaneiro e o 31 de decembro de 2026.
Onde ver máis información sobre a subvención
Podes consultar todos os detalles, importes, conceptos de gasto e a
documentación necesaria nas publicacións oficiais no Boletín Oficial da
Provincia (BOP):
- Bases reguladoras: BOP nº 41, do 3 de marzo de 2026
- Extracto da convocatoria: BOP nº 45, do 9 de marzo de 2026
- Concesión provisional: BOP nº 97, do 26 de maio de 2026
Cómo tramitala subvención
Prazo de solicitude: do 16 de marzo de 2026 ás 8h. ao 16 de abril de 2026 ás 14 h.
A tramitación realizarase exclusivamente a través da plataforma SUBTEL, accesible desde a sede electrónica da Deputación.
A tramitación realizarase exclusivamente a través da plataforma SUBTEL, accesible desde a sede electrónica da Deputación.